Stelutis alpinis

Se tu vens cà sù ta' cretis
là che lor mi àn soterat,
al è un splàz plen di stelutis;
dal miò sanc l'è stat bagnat...

Par segnal, une crosute
jè scolpide lì tal cret;
fra che' stelis 'nàs l'erbute,
sot di lor jo duar cujet.

Ciol, su, ciol, une stelute
che ricuardi il nestri ben:
tu 'i daras 'ne bussadute
e po' plàtile in tal sen.

Quan' che a ciase tu ses sole
e di cur tu preis par me,
il miò spirt ator ti svolè:
jo e la stele 'o sin cun te.